ফাগুনৰ কবিতা-বিকি নেওগ

শেষ হোৱাৰ উপক্ৰম হৈছে
শীতৰ হিংসাত্মক আক্ৰমণ
ৰুগ্ন আই আৰু নীহালিৰ 
মাজনিশা অবৈধ উৎসৱৰ আয়োজন।

গাভৰু পথাৰৰ বুকুত 
এতিয়া বলিছে ধূসৰ ধূলিৰ ঢল।

পৰাশৰ ৰং সানি 
আবেলিৰ আকাশে
ফাগুনৰ বতৰা দিয়ে
নাহৰৰ কুঁহিপাতে
অচিনাকি বাটৰুৱাৰ
মন মতলীয়া কৰে।

ফাগুনৰো নিজা সৌন্দৰ্য্য আছে
কবিৰ কাণে কাণে ফাগুনে, তাকেই ক'লে।

পুৱাৰ কিৰণ খেদি 
ভাগৰুৱা জিঞাজনী
ফাগুনৰ দুপৰীয়া জিৰণি ল'লে ।

✍️বিকি নেওগ।
বৰখঙীয়া গাঁও
পশ্চিম যোৰহাট-১৭

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send