মই গৈ আছোঁ ,
ক'লৈ নাজানো
মাথোঁ গৈ আছোঁ ।
আজিকালি খুব ধুনীয়া ধুনীয়া
সপোন দেখোঁ ,
কিয় নাজানো ,
জীৱনটোত মাথোঁ
দুখবোৰকেই নিজৰ
আপোন বুলি ভাবিছিলোঁ ।
এতিয়া সুখৰ
সন্ধানত গৈ আছোঁ ।
কিন্তু উভতি আহিব লাগিব ,
বহুতো দুখক সংগী কৰি ।
বুকু ডাঠ কৰি
মাথোঁ গৈ আছোঁ ।
সকলো দুখকেই নেওঁচি মাথোঁ
সুখৰ সন্ধান কৰি গৈ আছোঁ ।
দুখবোৰে কাঁইট হৈ
বিন্ধি আছে ,
কাকো কবওঁ নোৱাৰোঁ ,
হৃদয়খন যে দুখেৰে
ভৰি আছে ।
মাথোঁ অপেক্ষা কৰি
সুখৰ সন্ধান কৰি
মই গৈ আছোঁ ।
দুখেৰে ভৰি থকা হৃদয়খনত
অকণমান সুখক ঠাই দিবলৈ
চেষ্টা কৰি আছোঁ ।
✍️ মানস প্ৰতীম মালী ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ