মোৰ মনৰ উদ্বিগ্নতা আৰু অস্থিৰতা,
ছটফট কৰে বিষাদৰ জুইত
হৃদয়ৰ পোৰা কলিজা।
বিপন্ন সময়ৰ কোবাল ঢৌত
বাঢ়ি যায় নিৰৱধি দুখ আৰু যন্ত্ৰণা
তথাপিও বাঢ়ি যায়
আশাবোৰ খৰস্ৰোতা নৈ হৈ ।
সেয়ে,মোৰ মনৰ সূৰ্য্যক সাৰথি কৰি
হতাশা,নিৰাশাৰ আন্ধাৰৰ বাট কাটি
সমাধিস্থ কৰি সকলো দুখ-যন্ত্ৰণাক
আলোকসন্ধানী মোৰ দৃঢ়চেতা মনে
উজ্বলাব বিচোৰোঁ মোৰ জীৱন আকাশত
থুপি থুপি অযুত তৰাৰ জ্যোতি
সেয়ে, এই যাত্ৰা মোৰ
দুৰ্যোগৰ সকলো প্ৰাচীৰ ভাঙি।
🖋️জুৰিমণি মুদৈ
ৰহা, নগাঁও (অসম)
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ