হৃদয়ৰ অনুভূতি-দীপ্তি কুমাৰ

কেতিয়াবা দেখিছানে কেচাঁ পাতৰ কপনি 

হয়তো শুনিছা চাগে কেতিয়াবা সৰাপাতৰ বিননি 

কেচাঁ পাতৰ কপনিত সাৰ পাই উঠে কেতিয়াবা এটি প্ৰয়াণৰ 

আৰু সৰাপাতৰ বিননিত ভাহি আহে অশ্ৰুভৰা গাথাঁ জীৱনৰ 

কেচাঁপাতে দি যায় বতৰা নৱ প্ৰভাতৰ 

আৰু সৰাপাতে মায়াময় মৰুভূমিৰ দুৰ্বিসহঃ সময়ৰ 

শুনিছা চাগে কেতিয়াবা সৰাপাতৰ আৰ্তনাদ 

বতাহৰ সৈতে বাউলি হৈ উৰি থকা অৱস্থাত 

শুনিছা চাগে কেতিয়াবা নিজম ৰাতি 

বুকুত হাজাৰ বিষ লৈ 

ধুমুহাৰ কোৱাল সোঁতত উৰি ফুৰা নিসংগ সৰাপাতৰ বিননি 

সেয়ে সুধিছোঁ পাৰিবা জানো তুমি সৰাপাতৰ দৰে হবলৈ 

ৰুগ্ন হৃদয়ৰ কৰুণ কাহিনী শুনিবলৈ ।।

       🖋️ দীপ্তি কুমাৰ 

স্নাতক তৃতীয় ষান্মাসিক

ছিপাঝাৰ মহাবিদ্যালয়