তোমালৈ বুলি গুঠিলোঁ কুসুমৰ মালাধাৰি-প্ৰিয়ংকা কোঁৱৰ

কলিজাৰ নিভাজ কোণত সাঁচিৰখা মৰমবোৰৰ গৰাকী তুমিয়ে হোৱা ।                    
কল্পনাৰ সাগৰত হিল্লোলৰ তুমিয়ে স্ৰষ্টা l                          কি স্বপ্ন! কি বাস্তৱ ! কি নৈশ ! কি দিবা !                                 
সকলোতে মাথো তোমাৰে প্ৰতিচ্ছবিৰ খেলা,           মোৰ কবিতাৰ কাননত সুবাস বিলোৱা l                        নীল অম্বৰ, শুকুলা ডাৱৰ, মেদিনীৰ সেউজীয়া দলিছা,           
এয়া যেন তোমাৰে মায়া l      
তুমিয়ে মোৰ হিয়াৰ আমঠু, বুকুৰ কুটুম, হিতাকাংক্ষী l   ওহোঁ......                                তুমিয়ে মোৰ প্ৰেমৰ গৰাকী l মোৰ কবিতাৰ কাননত সুবাস বিলোৱা ll                         তোমাৰ দুচকু মুখৰ অভাঁজ ভাঁজত মই বলিয়া l                 
এক অবুজ, অনামী শিহৰণত পুলকিত হিয়া l                      এখন অচিনাকী চহৰৰ মই বাসিন্দা l                              মোৰ কবিতাৰ কাননত সুবাস বিলোৱা ll                              
তোমাৰে নামত ফুলিল ৰঙা গোলাপ পাহি,                              
তোমালৈয়ে বুলি গুঠিলোঁ কুসুমৰ মালাধাৰি ,                     বাজি থকা সপ্তসুৰৰ মাজতো শুনিলো তোমাৰে মাতৰ ধ্বনি l         
তুমিয়ে মোৰ সূৰ্যোদয়ৰ নিৰৱ কাঁকলি ,                 তোমাতেই বিলিন মোৰ শৰতৰ  হেজাৰ শেৱালী l                         
মোৰ কবিতাৰ কাননত  সুবাস বিলোৱা ll                         

       ✍️প্ৰিয়ংকা কোঁৱৰ ,গোলাঘাট l

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send