(১)
নাঙল-মাটিৰ সম্পৰ্কত আউল লগাবলৈ
বগলীবোৰ জাকে জাকে উৰিছে।
মুকলি পথাৰখনৰ পৰা পদুলিমুখলৈকে
লানি নিচিগা দীঘলিয়া শাৰী।
(২)
সিহঁতৰ প্ৰতিশ্ৰুতিৰ মহামাৰীত
জীৱন্তবোৰ মৃতদেহলৈ আৰু
মৃতদেহবোৰ জীৱন্তলৈ ৰূপ লৈছে।
(৩)
সপোন দেখাৰ নতুন কৌশলত
চকুবোৰ কাঢ়ি নিলে।
জিন্দাবাদ ৰ্মুদাবাদৰ বিনিময়ত দিলে
পাঁচ বছৰীয়া একোটি দীঘল হুমুনিয়াহ।
আকৌ এবাৰ মই পৰাজয় মানি লৈছোঁ।
✍️জ্ক পাই
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ