স্বাৰ্থপৰ-মিনাক্ষী বৰ্মন

©Admin
0
স্বাৰ্থপৰ তই 
কেতিয়াও ভবা নাছিলোঁ 
কষ্টৰ প্ৰতিদান 
এনেদৰে দিবি বুলি 
কত সপোনৰ 
নৌকা সাজিছিল !!
আমাৰ ল'ৰাই চাকৰি কৰিব !
ভনীয়েকৰ বিয়া
ধুম্-ধামেৰে পাতিব
কিন্তু সেই নৌকাৰ লক্ষ্য 
অজানিতে ক'ৰবাত হেৰাই গ'ল
ইমান অভিমানী আছিলি নে ? 
নে এয়া খং , ৰাগ ? 
যি মাতৃয়ে দহ মাহ দহ দিন 
তোক গৰ্ভত ৰাখি , 
যি পিতৃয়ে দিন-হাজিৰা 
কৰিও তোৰ সুখ-দুখত 
হাঁহিছিল , কান্দিছিল
সেয়াও তোৰ সহ্য নহ'ল ৷
ছিঃ ! কি প্ৰতিদান দিলি ? 
বিশ্বাসঘাটকতা আৰু প্রবঞ্চনা ?
নিজৰ মুক্তি কাম্য কৰি 
আনৰ সুখত হেঙাৰ হ'লি ?
কিয় কৰিলি এনেকুৱা ? 
সকলোৰে জীৱনত 
এক ৰহস্যময় অধ্যায় 
হৈ ৰৈ গ'লি 
জোনবাইৰ দেশলৈ গুচি গৈ
আনৰ জীৱনৰ জোনবাই 
কাঢ়ি নিলি 
সকলোকে তই 
জীয়াই জীয়াই মাৰিলি 
শেষ হৈ গ'ল সকলো 
মৰহি গ'ল সেই স্বপ্ন !


✍🏻মিনাক্ষী বৰ্মন 
    ৰাজনীতি বিজ্ঞান বিভাগ,
    নলবাৰী

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)