ওলোটা পৃথিৱী-অনুজ বৰা

     পৃথিৱীখন সচাই ওলোটা ঐ।
অমাৱস্যা নিশা ফৰিং ফুটা জোনাক
পূৰ্ণিমা নিশা গভীৰ অন্ধকাৰ
   চকা বন্ধত গাড়ী , মানুহৰ ভিৰত
বিৰ দি বাট   নোপোৱা...!    ‌  
   কিন্তু চকা খোলা দিনা মানুহৰ...
সংখ্যা নিচেই কম,তাকৰ ,সেৰেঙা।
   পৃথিৱীখন সচাই ওলোটা ঐ!
আজিকালি নোযোৱা ঠাইত মানুহৰ ভিৰ
কিন্তু যাব লগা ঠাইত মানুহ সেৰেঙা 
   কোনো সত্যত নাই ঐ!
কোনোৱা যদি সত্যত আছে,
   তেতিয়া তাৰ সংখ্যা...
এপাচি শাকত এটা জালুকৰ দৰে ঐ!
ঘোচকোৰ সকলক পুলিছে কৰায়ত্ত কৰে 
   কিন্তু তেওঁলোকৰ মুক্তিৰ বাবে
   আকৌ ঘোচ দিব লাগে।
   পৃথিৱীখন বৰ জটিল ঐ!
    
         
✍️অনুজ বৰা, ঘিলামৰা (লখিমপুৰ), অসম

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send