জাপি অসমীয়া সংস্কৃতিৰ বাহক , অসমীয়া জাতি আৰু সংস্কৃতিৰ বিশেষ প্ৰতীক লগতে অসমৰ অন্যতম লোককলা হোৱাৰ উপৰি ই অন্যতম কুটিৰ শিল্প হিচাপেও সৰ্বজনবিদিত। অতীতৰে পৰা অসমত বসবাস কৰা লোকসকলে নিজহাতে জাপি তৈয়াৰ কৰি আহিছে। ঘাইকৈ কেঁচা সামগ্ৰী হিচাপে প্ৰয়োজনীয় বাঁহ আৰু টকৌপাত যথেষ্ট যদিও ফুলাম জাপিৰ বাবে অতিৰিক্ত সাধাৰণ সূতা , ঊণ সূতা , সাধাৰণ কাপোৰ , ভেলভেট কাপোৰ , লেছ্ , চুমকি আৰু আঠা অসমত পৰ্যাপ্ত পৰিমাণে পায় হেতুকে নিজ ঘৰতে জাপি তৈয়াৰ কৰি এচাম লোকে বৰ্তমান সময়ত জীৱিকা নিৰ্বাহ কৰি স্বাৱলম্বীতাৰ নিদৰ্শন দাঙি ধৰিবলৈ সমৰ্থ হৈছে । আনহাতে হালোৱা জাপিৰ চাহিদা দিনক দিনে হ্ৰাস পোৱা পৰিলক্ষিত হৈছে। কিয়নো কৃষি ক্ষেত্ৰত পুৰণি সেই হাল বোৱা , কোৰ মৰাত ব্যৱহাৰ কৰাৰ পৰিৱৰ্তে বৰ্তমান আধুনিক যন্ত্ৰ-পাতিৰ ব্যৱহাৰে কৃষি কাৰ্যক অধিক ক্ষিপ্রতৰ কৰি তুলিছে , যাৰ ফলশ্রুতিত উকা জাপিৰ ব্যৱহাৰ নগন্য ।
সাম্প্ৰতিক সময়ত অৱশ্যে জাপিৰ ব্যৱহাৰ কমি আহিছে যদিও বৰ্তমান গৃহ-শোভাৰ উপকৰণ হিচাপে , সন্মানীয় ব্যক্তিক উপহাৰ হিচাপে আৰু তোৰণ আদি সজাৰ কামত ইয়াৰ প্ৰচলনে এক ইতিবাচক সঁহাৰি প্ৰদান কৰিছে । লোককলা একোটা জাতিৰ সংস্কৃতিক পৰিচায়ক । এনে লোককলাসমূহে জাতিটোৰ ৰুচি , ব্যৱহাৰ আৰু শৈল্পিক পৰিচয় দাঙি ধৰে।
✍️চিন্ময় ডেকা, টংলা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ