তেজত পথাৰৰ গোন্ধ থকা মানুহ-শংকৰজ্যোতি সৎনামী

শূন্য পথাৰ , নীৰৱতাই বিৰাজ কৰা আকাশ 
জেঠমাহৰ জুই বৰষা ৰ’দ 
বোকামাটিৰ প্ৰেমাস্পদত এতিয়া 
সুকোমল অনুভৱেৰে জীপাল কৃষকৰ মন ৷

সময় কঠীয়া পৰাৰ 
এয়া সময় মাটি সমাৰ দিয়াৰ,
পথাৰত ব্যস্ততাৰ সীমা নোহোৱা পৰিৱেশ এতিয়া
প্ৰকৃতিৰ উল্লাহ-উদ্দীপনাৰে 
 ৰ’দ -বৰষুণৰ সৈতে কাম কৰিবলৈ পৰিকল্পনা কৃষকৰ ৷
 
 ঘামেৰে তিতা গাটোত পথাৰৰ গোন্ধে লিপিত খাই 
বুকুৰ কামিহাড় কেইডাল জিলিকাৰ সময় এতিয়া 
নিস্ক্ৰিয় হোৱা মনটোক আকৌ জীয়াই তুলি 
 কৃষকৰ  জীৱন সজোৱাৰ সময়,
 সৃষ্টিৰ বাবে কৃষকৰ সপোনৰঙী সময় এতিয়া ৷৷

✍️ শংকৰজ্যোতি সৎনামী , সাপেখাতী ৷

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send