জীৱনবোধ-অনন্ত কুমাৰ ভূঞা

দক্ষ জনৰো

লক্ষ্য ভ্ৰষ্ট হয় -----

অকালতে লুপ্ত হ'ব পাৰে

সুপ্ত প্ৰতিভা।

বহু প্ৰজাতি বিলুপ্তিৰ পথত

আমি সকলো নিৰ্লিপ্ত ----

পৰম্পৰাত চহকী হ'লে

সাংস্কৃতিক

আধাৰে গঢ় লয় অজানিতে।

তিলক পিন্ধিলেই

ধাৰ্ম্মিক বুলি ক'ব নোৱাৰি

সেইদৰে

স্বাৰ্থলোভী শিক্ষাই

ভুল বাৰ্ত্তা আনিব পাৰে ।

আন্ধাৰত 

প্ৰেতাত্মা বিচাৰি থকা

গৰ্হিত কৰ্ম্ম 

সেইয়া হ'ব নোৱাৰে মানৱীয় ধৰ্ম্ম।

অন্ধ বিশ্বাসত

বুৰ গৈ

অবিশ্বাসৰ মাজত 

ডুব যোৱাটো 

শুদ্ধ পথ নহয় 

এইয়া ৰোগগ্ৰস্ত মনৰ যন্ত্ৰণা ।