জীৱনৰ চিত্ৰপট - অঞ্জুমণি হাজৰিকা

Aditi Tanti
0
   এক
              
সময়ে আঁঁচোৰে দেহা মন ;
পলকতে কাঢ়ি নিয়ে জীৱনৰ মধুৰ ক্ষণ ,
অব্যক্ত বিষাদ বুকুত সামৰি 
হেৰুৱাও ঠিকনা ,
প্ৰহেলিকাৰ জগতত ।

                 দুই
                 
দাপোন খন চালেই সংকুচিত হওঁ ;
মনৰ উৎসাহ তল পৰি ৰয় ,
বয়সে আঁচোৰা দেহা
বুকুত শিপাই দুখৰ কাঁইট ,
ৰংবোৰ উৰি যায় কুকুহা হৈ ;
ধূসৰ কৰি পেলায় মনৰ আকাশ ,
সংগোপনে সৰি পৰে নিয়ৰৰ টোপাল 
ভিজাই তোলে খহটা দুগাল ।

                 তিনি

জীৱনে নাজানে গন্তব্যৰ সঠিক ঠাই ,
খলা-বমা বাটত ৰুই যায় অনেক সপোন ,
কেতিয়াবা সফলতাই আঁকোৱালি
ধৰে জীৱন ;
কেতিয়াবা বিফলতাই চূৰ্ণ বিচূৰ্ণ কৰে 
মন গহন ।
জীৱন মানেই ছাঁ-পোহৰৰ খেলা
সুখে -দুখে পাতে সময়ৰ বক্ষত মেলা ।


Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)