পবিত্ৰ ভাদ মাহ-চিন্ময় ডেকা

গুৰু ভক্তিৰ নাট ভংগীমা

পাওঁ পবিত্ৰ ভাদ মাহত পদমর্যাদা,

আকাশে-বতাহে  মুখৰিত কৰি তোলে।

হৰি নাম ধ্বনিৰ সুললিত শ্লোকৰ মহাবাণী;

মহা-মহা যুগী, সন্ত-মহন্ত, ভকত-বৈষ্ণৱ হৈ একত্রিত, 

নাম-প্ৰসংগ কৰে অযুত উচ্চাকাংক্ষিত;

কৃষ্ণ নাম মুখে লয়!

বন্তি জ্বলাই প্ৰাৰ্থনা কৰোঁ;

নাম লয়, নিতৌ পুৱা-গধূলি।

গীতা,কীৰ্ত্তন,ভাগৱত পাঠ কৰি,

গুৰু পদে কৰোঁ'হো স্তুতি। 

অপায়-অমংগল বিনাশ কৰি

হ'বহি সংসাৰত মানৱতাবোধৰ গুণবসানি।

শংকৰ-মধৱৰ ৰচিত ভক্তি মূলক পুথি;

আমি মূঢ়মতি নাজানোঁ ভকতি,

হৰি নামে কৰিব দয়া।

কলি যুগে কৃষ্ণ নামে সকলোৱে হৈ'লে একত্রিত,

পাপ মোচন নাশ হ'ব;

ধূপে-ধূনা শৰাই আগবঢ়াই দি কৰিছোঁ মাথোঁ সেৱা।

✍️চিন্ময় ডেকা, টংলা