শব্দবোৰে ঠেহ পাতিছে-বৰষা ঠাকুৰ

আজি বহুত দিনে হ'ল ,
কল্পনাৰ জগতত নুফুৰা , 
শব্দৰ লগত নেখেলা ,
সেইবাবে আজি 
শব্দবোৰে ঠেহ পাতিছে ।
কলমটো নিশব্দ হৈ ৰৈছে ,
স্তব্ধ হৈ ৰৈছোঁ মই ।
শব্দবোৰে ঠেহ পাতিছে ,
উচুপি উঠিছে চকুলো ।
শব্দৰ মাজত
খাব লগা হৈছে উজুটি ।
উকা বগা কাগজখনে
বহু কথা কৈছে ।
তথাপিও আনক বুজাবলৈ তাত যে চিয়াহীৰ দাগ জৰুৰী ।
কৰোঁ কি ?  
শব্দবোৰে ঠেহ পাতিছে 
উকা বগা কাগজখনত লিখিবলৈ 
আজি শব্দবোৰ প্ৰস্তুত নহয় 
কবিতাৰ পথাৰত কবিত‍া ৰচিবলৈ
আজি শব্দবোৰ অপ্ৰস্তুত...।

 ✍বৰষা ঠাকুৰ

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send