বিলাসীতাই তাইক আকৰ্ষিত কৰিব,
নোৱাৰে ই সম্ভৱ নহয় ।
যি ছোৱালীয়ে গাঁৱৰ বোকা মাটি
গছকি ডাঙৰ হৈছে তাইক
নোৱাৰে কেতিয়াও বিলাসীতাই
আকৰ্ষিত কৰিব ।
আপুনি ভাবিছে নেকি ?
আধুনিকতাই তাইক আকৰ্ষিত কৰিব ,
নোৱাৰে ই সম্ভৱ নহয় ।
তাই সহজ ভাবে থাকি ভাল পায় ।
নোৱাৰে তাইক আধুনিকতাই আকৰ্ষিত কৰিব ,
তাইক কিহে আকৰ্ষিত কৰিব জানে ?
তাইক আকৰ্ষিত কৰিব গাঁৱৰ
বোকা মাটিৰ গোন্ধই ।
আপুনি ভাবিছে নেকি ?
টকা - পইচাই তাইক আকৰ্ষিত কৰিব ,
নোৱাৰে ই সম্ভৱ নহয় ।
সেউজীয়াখিনি তাইৰ প্ৰিয় ,
নোৱাৰে কেতিয়াও আপোনাৰ টকা -
পইচাই তাইক আকৰ্ষিত কৰিব ।
আপুনি ভাবিছে নেকি ?
চহৰৰ পৰিৱেশে তাইক আকৰ্ষিত কৰিব ,
উহু ! কেতিয়াও নোৱাৰে ।
ই অসম্ভৱ ,
গাঁৱৰ কেঁচা আলি তাইৰ প্ৰিয় ।
পথাৰৰ মাজৰ সৰু আলিবোৰো
তাই বৰ ভাল পায় ।
পকা ধানৰ মাজৰ আলিয়ে তাইক
আকৰ্ষিত কৰে ,
আপুনি নাভাবিব যে ,
চহৰৰ পৰিৱেশে তাইক আকৰ্ষিত কৰিব ।
আপুনি যদি ভাবে কৃত্ৰিমতাই , আধুনিকতাই , ওখ অট্টালিকা বা দামী ৰেষ্টুৰেন্টে , দামী কাপোৰে , গহনাই ,
তাইক আকৰ্ষিত কৰিব ?
তেন্তে ভুল বুজিছে ।
তাইক যদি সুখী চাব বিচাৰে
তেন্তে এবাৰ গাঁৱলৈ আহিব ।
বোকা -মাটিৰ গোন্ধ , সেউজীয়া পৰিৱেশৰ মাজত থাকি চাব এবাৰ , তাইৰ মুখত
ফুটি উঠা নিৰ্ভেজাল হাঁহিটি ।
আপুনি হয়তো সকলো প্ৰশ্নৰ উত্তৰ পাব ,
তাইৰ মুখত জিলিকি থকা হাঁহিটিৰ মাজত ।
✍ বৰষা ঠাকুৰ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ