তোমাক ভালপাওঁ বুলি ক'ম তুমি কি কৰিবা-প্রিয়ংকা চমুৱা

যদিও প্ৰেমৰ দাহেঁচিয়া পথাৰত

তুমি  আৰু মই চেচুকীয়া গজালি

তথাপি তোমাৰ প্ৰেমত আকুল হৈ

তোমাক ভালপাওঁ বুলি ক'ম

তুমি কি কৰিবা???

ন-কঁহুৱাৰ পূৰাতন ৰাগত

সামৰিম তোমাৰ ভালপোৱা

তুমি কি কৰিবা!

উদং বুকুৰ ন-পথাৰত ময়ে তোমাৰ লগ হ'ম

সোণসেৰীয়া ধানৰ ভাজত

সপোন বুতলি বহি ৰ'ম

হেঙুল বেলিৰ ৰাগিনী চানেকিত 

তোমাৰ ছবি আঁকি ৰ'ম

তুমি কি কৰিবা

মন বনৰ পছতীয়া মোৰ

তোমাকে ভালপাই ৰ'ম

নাপাওঁ বুলি নক'বা

সৰি পৰিব সেউজ হৃদয়ৰ আদৰুৱা কলিজা

এই চানেকি আবেলিত কওঁ

ভালপাওঁ কেচা কলিজা

ঐ,ল'ৰা,সোণগুটি মোৰ

ভাল পামেই তোমাক

তুমি কি কৰিবা!!!!