নিহতজনৰ মাটিৰ জয়গান-ৰুনু দেৱী শৰ্মা

জোৱানজন ঘৰলৈ উভতি  আহিব ,
জোৱানজন আকৌ উভতি আহিছিল
  বহুতো সাজ-সজ্জাৰে, অস্ত্র-শস্ত্রেৰে
               ফুলৰ মালাৰে
               এখন সুসজ্জিত ভানত 
               জোৱানজন ঘৰলৈ উভতিছে
               স্বদেশৰ নিৰ্ভীক মুখত
               উজ্জ্বল মৃত্যুৰ শিখাৰে
               এখন বগা কাপোৰেৰে ঢাকি অনা হ'ল
               জোৱানজনক থৰ লাগি চাই ৰ'ল
               মাতৃৰ উদং বুকুখনে
               নিশ্চুপ হৈ তধা লাগি চাই ৰ'ল
                  চলচলীয়া চকুহালে
                  চেনেহীৰ উদং কপালখনে
                  পোনাকনে ঢাপলি মেলিছে
                  পাপাই তালৈ আনিব খোজা
                  মোবাইলটো ল'বলৈ, 
                  স্বদেশৰ নিৰ্ভীক মুখৰ 
                  উজ্জ্বল মৃত্যুৰ শিখাৰে প্ৰজ্বলিত 
                  জোৱানজন ঘৰলৈ উভটিছে। 
                  বিগ্রেডিয়াৰ সশস্ত্ৰ জোৱানহঁতৰ
                  বন্দুক - কামানৰ সশ্ৰদ্ধ সন্ধিক্ষনত
                  জোৱানজনক দেখা গ'ল।                   
                  বগা ধুনীয়া মুখখনে 
                   যেন কিবা ক'ব খুজিছে
                      "  মাটিৰ জয়গান। 
                        "জয় আই অসম। "

Post a Comment

Previous Post Next Post