কেনেকৈ পাঠ কৰোঁ শোকপ্ৰস্তাৱ-জয় প্ৰকাশ শৰ্মা

এক প্ৰৱণতা 
    নিজক ঢাকি সময়ৰ সতে দৌৰোঁ ,
 কেতিয়াযে নিজস্বতাক হত্যা কৰি 
    সলনি হোৱাৰ মুখাখন পিন্ধি লওঁ 
 তুমি মই বা তেওঁ আমি কোনেও নাজানোঁ  ।

সলনি হওঁ 
    মই ভাবো , সকলোতকৈ বেলেগে হম
তুমিও ভাৱা
তেওঁ ও ভাৱে,
সমাজখনেও তাকেই ভাৱে ।

নিজকে বিশেষ কৰাৰ এপিয়লা  এলকহলত ডুবি
মায়াময় অন্ধকাৰত বাট হেৰুৱাওঁ ।

 সময় দৌৰে 
লগে লগে পৰাজিত হোৱাৰ ভয়ে
 পিন্ধে ভিন্নৰঙী পোচাক ,
কিমান দুৰ্বল
কিমানখিনি দুৰ্বল হলে 
   চিনাকী অচিনাকী হয় ।

আখৰা গৃহৰ নায়কজন 
  আজি মঞ্চৰ খলনায়ক ।

ভেলটোৰ পৰিৱৰ্তন গ্ৰহণযোগ্য ,
 কিন্তু আত্মাৰ মৃত্যুত
কেনেকৈ পাঠ কৰো শোকপ্ৰস্তাৱ -----
  
       

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send