তেওঁক এখন হৃদয় লাগে ধাৰলৈ-প্ৰণৱ চক্ৰৱৰ্তী

তেওঁ আগ্ৰহেৰে...

হৃদয় এখন ধাৰলৈ বিচাৰিছিল ।

তেওঁৰ অতদিনৰ 

আশা-আকাংক্ষাক

বৰ-পেৰাৰ পৰা উলিয়াই

হৃদয়খনৰ লগত চিনাকি

কৰাই দিয়াৰ মন ৷

তেওঁৰ বিশ্বাস..!

ধাৰলৈ নিলেও

হৃদয়খনে বুজিব তেওঁক ,

নুবুজিলেও কৰিব বুজি পোৱাৰ অভিনয় ৷

বিচাৰি হাবাথুৰি খোৱাৰ পাছতো

তেওঁ ধাৰলৈ এখন হৃদয়

যোগাৰ কৰিব নোৱাৰিলে ৷

কোনোবাই তেওঁক সুধিলে -

নিগাজিকৈ নিবিচাৰে কিয় হৃদয় ??

তেওঁ ক’লে

হৃদয়বোৰ অহংকাৰী..!

আপোন কৰিব খুজিলেই কৰে বেইমানী ৷।