জীৱিকা বিচাৰি ,
জীৱনৰ মাদকতা আৰুনো কিমান হেৰুৱাম ?
প্ৰতিঘাতৰ বাটে বাটে
মৰম বেচা কিনাৰ হাট !
জীৱন নদীৰ ঘাটে ঘাটে
আঘাতৰ এৰাল ছিঙা মাত !
মানুহৰ বজাৰত মানুহৰ কিমান দাম ?
মূল্যহীন আজি ,
খাটি খোৱা নিৰীহৰ দেহৰ কেঁচা ঘাম...
সপোনৰ পম খেদি
সপোন এটা দৌৰে ,
খেদি ফুৰা সপোনে
সপোন এটা সামৰে ।
মানুহৰ বজাৰত মানুহৰ কিমান দাম ?
প্ৰতিদিনে সাবটি ,
এটা আধৰুৱা আধামৰা সপোনৰ নাম ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ