সোঁৱৰণীৰ দলিছাত তুমি-দিপশিখা ৰাজকোঁৱৰ

বহুদিন হ'ল তোমাক নেদেখা
মৰমৰ মাত এষাৰ নোপোৱা
ময়ো যে তোমাক
এবাৰ ভাইটি বুলি মাতিবলৈ
কিমান হাহাকাৰ কৰি আছোঁ
সেয়াতো তুমি বুজি নোপোৱা 

বৰ্তমানতে তুমি হেৰাই গ'লা
চিনাকি হৈ আজি 
অচিনাকী হ'লা তুমি
সোণালী অতীতৰ কথা
বহুত মনত পৰে
তোমাৰ ধেমালিবোৰ
দুচকুত ভাঁহি আহে 

তোমাৰ অনুপস্থিতিত কেতিয়াবা
হেৰাই যাব খোজে মোৰ হাঁহি
ভাইটি সোঁৱৰণীৰ দলিছাত
আজিও তুমি আছা
দুখৰ বাঁহীৰ সুৰ আৰু
শুনিব নিবিচাৰোঁ... 

তুমি জানানে
এতিয়াও আশা এৰি দিয়া নাই
মই জানো ভাইটি 
তুমি ঘূৰি আহিবা
পুনৰ সেউজীয়া হৈ
জিলিকি পৰিব তোমাৰ পৃথিৱী
হতাশ নকৰিবা তুমি
সপোনবোৰ পাহি মেলিবলৈ দিয়া। 

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send