জীৱনৰ ৰং - চিন্ময় ডেকা

জীৱনৰ ৰং বোৰে

লুকা-ভাকু খেলে , 

সময়ৰ সীৰলুত বৰকৈ আমনি কৰে ।

উদাসীন মনৰ ভাৱ অৱলোকন ,

অনাহাৰে পাৰ কৰে 

জীৱনৰ কোনো এটি মুহূর্ত

অভাৱগ্রস্ত সংসাৰত হয় মাথোঁ মনোমালিন্য ;

কেতিয়াবা হতাশ হৈ পৰোঁ ।

উদাস হৈ পৰে মন ,

উদ্বিগ্নতাৰ সৃষ্টিৰ পৰশত অনুভৱ হয় শূণ্য ,

এক বিৰল সমীক্ষাৰ অন্তত

অন্তহীন মুহূর্ত ;

কেতিয়াবা এনে জটিল প্ৰশ্নই 

খুন্দিয়াই মোৰ হৃদয়ৰ গোপন কলিজা ,

শেঁতা পৰা অশ্রুৰ শ্বাস ৰুদ্ধ হৈ পৰে এটি ক্ষণত 

কাৰ বাবে ?

কিহৰ তাৰণাত মই দুৰ্ভগীয়া ?

ভাবি সমাধান নাপাওঁ ,

সকলো আছে মোৰ বাবে এই পৃথিৱীত ।

কিন্তু কিয় ?

সুখী অনুভৱ কৰিব নোৱাৰোঁ মই ,

জীৱনৰ ৰং বোৰে মাথোঁ লুকা-ভাকু খেলে অন্তিম সময়লৈ ।