এজাক সপোন যেন বৰষুণ-নীল প্ৰজাপতি

কবিতাৰ চোতালখনত এতিয়া খৰাং, 
বোকা দি থৈ দিয়া পথাৰৰ
শুকান বুকুত মেলা চিৰাল ফাট!
অভিমানী বৰষুণজাকে মেঘৰ প্ৰৰোচনাত 
দি যায় বিচ্ছেদৰ এখিলা পাত!
মাথোঁ ছাঁ আৰু পোহৰৰ খেল!
পিতাইৰ চিঙা গেঞ্জিটোত
ওলমি ৰোৱা শুকান সেউজীয়া সপোনটো
আজি অপেক্ষাৰত
এজাক বৰষুণ আহিব!
এজাক প্ৰেমৰ বৰষুণ
এজাক সপোনৰ বৰষুণ
এজাক কৃষকৰ জীৱনৰ বৰষুণ! 
এজাক কবিৰ কবিতাৰ বৰষুণ! 

✍️নীল প্ৰজাপতি 
জাগীৰোড

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send