এটি ঘড়ী যিয়ে বিপদৰ আগজাননী দিয়ে । সকলোৰে প্ৰয়োজন এনেকুৱা এটি ঘড়ীৰ যিটো ঘড়ীয়ে বিপদৰ আগজাননী দিব পাৰে । সকলোৱে ঘড়ীটোৰ দ্বাৰা বিপদৰ আগজাননী লৈ সকলো সমস্যা বিপদ হোৱাৰ আগতেই সমাধান বিপদমুক্ত হৈ সুখী নিৰাপদ জীৱন কটাব বিচাৰে ।
বিপদৰ আগজাননী দিয়া ঘড়ীৰ কথা মাথোঁ আমি কল্পনাহে কৰিব পাৰোঁ , কিন্তু বাস্তৱত এইটোৱে সঁচা যে কল্পনা কৰা সকলো কথা কেতিয়াও সঁচা নহয় ।
ঘড়ীটো সঁচাকৈ পালে ঘড়ীটোক আমি যিমান বিশ্বাস কৰিম সেইখিনি বিশ্বাস আমি নিজক কৰিব নোৱাৰিম নেকি ?
বিপদৰ আগজাননী দিয়া ঘড়ীটোৰ ওপৰত বিশ্বাস ৰখাতকৈ নিজৰ ওপৰত বিশ্বাস ৰখাটো বহুতেই ভাল । কাৰণ সেই ঘড়ীটো মাথোঁ এটি যন্ত্ৰ কিন্তু আমি মানু্হ ।
সেই যন্ত্ৰবিধো আমাৰ দৰে মানুহ এজনেই আবিষ্কাৰ কৰিব ।
মানুহৰ বহু বিপদ নিজে কৰা কৰ্মৰ ফলত হয় ।
আমি সদায় নিজক বিশ্বাস কৰি আমাৰ কৰ্ম ভালদৰে কৰিব লাগে । বিপদৰ আগজাননী দিয়া ঘড়ীৰ জীৱনত কোনো প্ৰয়োজন নাই , জীৱনত প্ৰয়োজন মাথোঁ নিজে বহুত বেছি সতৰ্ক , সাৱধান হোৱাটো । আমি সতৰ্ক আৰু সাৱধান হ'লে জীৱনত বহু বিপদেই কম হ'ব । নিজৰ জীৱনটোৰ প্ৰতি দায়িত্ব থাকিব লাগিব , আৰু সেই দায়িত্ব পালন কৰি বহুত কষ্ট কৰিব লাগিব । সতৰ্ক আৰু সাৱধান হৈ চলিলে জীৱনলৈ আহিব লগা বহু বিপদেই এনেই আঁতৰি যাব । " কৰ্মই ধৰ্ম " কথাষাৰ মনত ৰাখি সাৱধানে নিজৰ কৰ্ম নিয়াৰিকৈ কৰি গ'লে এটি সুখী জীৱন কটাব পাৰি ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ