হাত বাউলি-ছাইফুদ্দিন আহমেদ

থিৰাং কৰি থৈছিলোঁ মই 

যেন কেতিয়াও কাৰো 

প্ৰেমত নপৰোঁ বুলি ৷

তথাপিও হৈ গ’ল প্ৰেম 

তোমাৰ হৰিণী চকুযুৰি দেখি ৷

শৰতৰ পুৱা আছোঁ মই 

শেৱালি বুটলি ৷

দ্বীপকোঁৱৰী তুমি যদি 

এবাৰ কোৱা মোক ভালপোৱা 

কলিজাৰ কোষ ফালি 

প্ৰতিবিন্দু তেজেৰে 

হৃদয়ৰ শেৱালি পাহত 

তোমাৰ ছবি আঁকি পঠাইছোঁ 

পৰিভ্ৰমী চৰাই বোৰৰ হাতত দি ৷

অব্যক্ত প্ৰেম মোৰ আছে যে

তোমাৰ নীৰৱতাৰ স’তে খেলি 

যদি মোক ভালপোৱা এবাৰ কোৱা ৷

লাজুকী লাজুকী খোজেৰে

হাঁহি ভৰা মুখেৰে জনম জনমৰ কাৰণে

তিৰবুকুৰ তৰংগমালা পিন্ধি 

দুই শৰীৰ এক আত্মা হ’বলৈ বুলি

ৰৈ আছোঁ মই তোমাক হাত বাউলি দি ৷