স্পৰ্শ- বিটুমনি কোঁছ

তোমাৰ মৃদু স্পৰ্শত              
ৰঙা কলিজা ফালি
বৈ যায় এক শিহঁৰণ

আৰু এনেকৈয়ে
শিহঁৰণৰ সজাগতাত মোৰ
আৰম্ভ হয় কৰ্মব্যস্ততা।

প্ৰতিটো ঋতুৰ সলনি
হোৱাৰ দৰেই সলনি হয়,
তোমাৰ মনৰ ৰং।

আৰু এনেকৈয়ে
মোৰ স্মৃতিৰ পটত জীপাল
হয়, তোমাৰ সোঁৱৰণ।

তোমাক এবাৰ চোৱাৰ
হেঁপাহত উদবাউল প্ৰতিটো
এৰি অহা আৰু আহি থকা ক্ষন।

আৰু এনেকৈয়ে
ধুমুহাৰ পাছত বৰষুণ অহাৰ দৰে
উৎকণ্ঠাবোৰ বিষন্নতা লৈ 
পৰিৱৰ্তন হৈ যায়।


Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send