মোৰ দেশৰ নতুন আলোক-প্ৰজেছ দাস

নতুন দিনৰ ন যুৱক আমি

নতুন আলোকৰ যাত্ৰাপথৰ যুৱক আমি,

প্ৰতি পল-অনুপলে বাঢ়িছো আগ

কাল অমানিশাৰ পথত

হাতত জ্ঞানৰ চাকি লৈ

এক নতুন আলোকৰ সন্ধানত ৷

ছাত্ৰ শক্তিক একতাৰে বান্ধি 

আগুৱাই নিছে নিজ লক্ষ্যৰ প্ৰতি ,

আগুৱাই আহা সতীৰ্থ

হাতে হাত ধৰি আগবাঢ়ি

যাওঁ আগুৱাই,

প্ৰতি খোজতে কৰি নতুনত্বৰ সৃষ্টি

তেতিয়াহে পাম আমি

নতুন আলোকৰ সন্ধান ৷

এই নৱ সৃষ্টিৰ বীজতেই

ৰোপণ হ’ব এক নতুন

আলোক সন্ধানীৰ বৃক্ষ

উদিত হ’ব এক নতুন সূৰ্য ।

প্ৰজেছ দাস,

উত্তৰ লখিমপুৰ