গাড়ী খন-নিজৰা বৰ্মন ডেকা

0
সেই বাটেৰে নাহিবা 
যি বাটেৰে মোৰ আই -পিতাই
বোকোচাত মোক বান্ধি 
বোকা -পানী গছকি 
চলাইছিল জীৱন ডিঙৰা ।
সেই বাটেৰে নাহিবা 
যি বাটেৰে  মই পিঠিত
কিতাপৰ বোজা লৈ 
গৈছিলো জীৱনৰ ধাৰাপাত 
আৰু বাখৰুৱা সপোনৰ 
মৌ-সনা কুঁহিপাত পঢ়িবলৈ ।
সেই বাটেৰে নাহিবা তুমি 
যি বাটেৰে  মোৰ যাত্ৰা 
হৃদয় গঢ়া আৰু ভঙাৰ
বুকুৰ তেজ বোৰ ঘাম হৈ সৰা ।
সেই বাটেৰে নাহিবা তুমি 
য'ত আছে আশাৰ কঠীয়া
আশাবোৰ  যে মায়াসনা 
সপোন হয় সোণাৰু ফুলীয়া । 
সেই বাটেৰে নাহিবা 
য'ত আছে কাঁইটীয়া বেৰা  
তথাপিও অবিৰাম কৰিম চেষ্টা
সোণোৱালী কুসুম ফুলাৰ ।
আহিবা তুমি সেই বাটেৰে 
য'ত নাথাকে কোনো মায়া 
গুচি যাম সেই দিনা সকলো এৰি 
যদিও হয় পথ ধূলিয়ৰি  
প্ৰকৃত গাড়ীখনৰ  মই হ'ম সহযাত্ৰী ।

✍️নিজৰা বৰ্মন ডেকা 

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)