মোক এবাৰ হাঁহিবলৈ দিয়া- পল্লৱ কুমাৰ

তোমাৰ অনুভৱত মোক এটি শব্দ হ'বলৈ দিয়া

     তোমাৰ সুখত মৰা

            সেই হাঁহিটোৰ মোক মাথোঁ দৰ্শক হ'বলৈ দিয়া 

  নালাগে মোলৈ চাই তুমি সুখী হ'ব

     মোক মাথোঁ তোমালৈ চাই সুখী হ'বলৈ দিয়া ।

  তুমি মোৰ কথা নাভাবিলেও হ'ব

  মোক তোমাৰ কথাকে মাথোঁ ভাবি থাকিবলৈ দিয়া ,

        কাষলৈ কেতিয়াও নামাটো তোমাক

      আঁতৰৰ পৰাই তোমাক চাই ৰ'বলৈ দিয়া।

ফেচবুকত নালাগে 

         মোক তোমাৰ বন্ধু কৰি ৰাখিব,

 চাৰ্ছ কৰিয়ে তোমাক চাই থাকিবলৈ দিয়া ।

   মোৰ ফটোত তুমি ৰিয়েক্ট নিদিলেও হ'ব

    তোমাৰ ফটো বোৰকে মোক চাই থাকিবলৈ দিয়া

  ফেচবুক , হোৱাটছএপ আহিলাহে মাথোঁ ,

    হৃদয়ৰ মেমৰীত তোমাক সাঁচি থ'বলৈ দিয়া ।

  বুকুখনত মোৰ বিষণ্ণতাৰ আৱৰণ

        তাৰ মাজতে তোমাক ৰাখি থ'বলৈ দিয়া

   চকুৰে নিগৰা কলিজাৰ টোপাল বোৰক

   তোমাৰ হাঁহিতেই শুকাবলৈ দিয়া ।

  মোৰ বাবে তুমি কেতিয়াও নালাগে কান্দিব

    মোক তোমাৰ বাবে চিৰদিন কান্দিবলৈ দিয়া ,

   তুমি তোমাৰ সুখতে সদায় সুখী হৈ থাকিবা

     মোক তোমাৰ অনুভৱ বোৰৰ সৈতেই মৰিবলৈ দিয়া ।

    তোমাৰ অবিহনে না মৰিব পাৰোঁ না জীয়াব পাৰোঁ

        জ্বলি জ্বলিয়ে মোক জীয়াই থাকিবলৈ দিয়া ।।