বন্ধুত্ব- দিপশিখা ৰাজকোঁৱৰ

তিনিটা আখৰেৰে গঠিত

এটি মধুৰ শব্দ বন্ধুত্ব..

য'ত থাকে দুখন হৃদয়ৰ মাজত

অযুত মৰম আৰু বিশ্বাস।

এটি পবিত্ৰ সম্পৰ্ক বন্ধুত্ব..

বন্ধুত্বৰ এনাজৰীৰ অবিহনে

অসাৰ আমাৰ জীৱন

অসম্পূৰ্ণ........!

যাৰ লগত আমি

অন্তৰৰ সকলো কথা

আলোচনা কৰি সুখ দুখৰ

সমভাগী হ'ব পাৰোঁ।

বন্ধুত্ব কোনো জাতি বিচাৰ কৰি

গঢ় লৈ নুঠে

দুখন হিয়াৰ বুজাবুজি

ভালপোৱা আৰু ত্যাগৰ বাবে

বন্ধুত্ব গঢ়ি উঠে।

প্ৰকৃত বন্ধুত্বই আমাৰ জীৱন সেউজ কৰি তোলে

কিন্তু প্ৰকৃত বন্ধুত্ব

লাভ কৰা বৰ সহজ নহয়।।