বিষন্ন বাস্তৱ- পৰিতৃষ্ণা হাজৰিকা

শব্দৰ কোলাহলত স্থবিৰ কিয় 

আজিৰ পৃথিৱীখন ,

মৌনতাই আৱৰি ধৰিছে নেকি ?

আঁতৰাই দিয়া সকলোবোৰ

জীয়াই থাকিবলৈ শিকা ,

জীৱন যুদ্ধত যুঁজি যুঁজি 

তুমি ভাগৰি নপৰিবা ।

আকৌ সুধিছো ক্লান্ত মনৰ বিষাদবোৰে

হেঁচা মাৰি ধৰিছে নেকি ?

হৃদয়ত ধুমুহাৰ সৃষ্টি নকৰিবা

ভাগি যাব তোমাৰ হৃদয়ৰ বীণখন ।

মৰুভূমিৰ তপত বালিত 

দগ্ধ হৈ যাবলৈ নিদিবা

তোমাৰ অশৰীৰ আত্মা ।

এই বিশাল পৃথিৱীখনলৈ 

এবাৰ মাত্ৰ উভতি চোৱা ,

দেখিবা তাত অনেক ৰকমৰ

বাস্তৱ , জীয়া ছবিবোৰ ।

হাঁহি হাঁহি বিলীন হৈ যোৱা 

এক বিস্মৰণীয় জীৱন যাত্ৰাত ।