অপেক্ষা-হিমাদ্ৰী দাস

সময় পালে এপাক আহিবাচোন

মোৰ খবৰ ল'বলৈ ,

দুখৰ টোপোলাবোৰ কেনেদৰে পিঠিত লৈ মিনিটত উশাহ লৈছোঁ‌ ।

সময় পালে এবাৰ ঘূৰি চাবাচোন

অতীতৰ পৃষ্ঠালৈ !

সময় পালে কেতিয়াবা ভাবিবাচোন ,

কেনেকৈ জীয়াই আছোঁ !

সময় পালে কেতিয়াবা মনত পেলাবাচোন

অহংকাৰ বোৰ কাষত থৈ ।

দুৰ্দান্ত প্ৰেমিকাৰ দৰে 

মই ও তো দিছিলোঁ 

মোৰ এই অনুভৱী হিয়া ।

বিনিময়ত... !

এ থাকক দিয়া

প্ৰেমত‌ এইবোৰ ভাল নালাগে ।

আকৌ এবাৰ কৈছোঁ

বেয়া নাপাবা

সময় পালে কেতিয়াবা আহিবাচোন

জোৰ কৰা নাই দেই

কেতিয়াবা সময় পালেহে আহিবা

কাৰণ মই জানো

পাই হেৰুৱাৰ বেদনা কি !

✍️হিমাদ্ৰী দাস ।