সি এসময়ত শেষ হবই
সৌৱা কাণপাতি শুনাচোন
কোনোৱা মছজিদত শেষ হৈছে ৰাতিৰ আজান
হৃদয়ত সোঁৱৰা ঈশ্বৰৰ নাম
ঘৰৰ ওচৰত ৰাৱলি কুকুৰাৰ ডাক।
তাৰ মানে পোহৰ হ'বই এতিয়া
পোহৰ হ'বৰে হ'ল
পূৱে ৰঙা বেলিৰ ঢল ফাট
এটি সুন্দৰ সুপ্রভাত ।
মই যি বাটে আহিলো ওলাই
আৰু নাযাওঁ উভতি
সুৰুজমুখী যাত্রা নৰয় থমকি
ৰঙাবেলিৰ ৰঙা ৰঙা
ন' পোহৰে পৰিছে আৱৰি
এই বাটে সুৰুযমূখী ফুল
এপাহ দুপাহ বহুপাহ
উঠিছে ফুলি।
অযুত স্বপ্ন বুকুত বান্ধি।
এমুঠি নীলিম আকাশৰ নীলা নীলা
মাগুৰ বৰণীয়া সাজযোৰত বুলাই।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ