স্থিতি

এৰা-পৰলীয়া ঘৰটোৱে নিহপালী দিব
বহুযোজন দূৰৈত একোখন মুখে গোপনে উচ্চাৰিব
'তেজ ধুলে উটে , মঙহ ধুলে নুটে'
অকৰ্মণ্যতাৰ জোকটোৱে মোৰ অতসোপা তেজ শোহে !

বাৰে ভচহু ক্ৰিয়া-কাণ্ডত মজি
পোটোকা পৰা প্ৰসন্নতা এমুঠি গালে-মুখে লেপি
নিৰন্তৰে‌ সপোন এটাই খোপনি পুতি হাঁহে 
প্ৰকাৰান্তৰে মূৰ পোলোকা দিয়াৰ প্ৰৱণতা টুটে 
স্বীকাৰোক্তিত কাছুটি হেৰুৱাই
'মাহৰ মাৰ দেখি তিলে বেট মেলে' ।


✍🏻হিমাশ্ৰী বৰা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send