অনুভৱ- মনোৰমা দাস

অনুভৱৰ দোকমোকালিতে ৰোপণ কৰা
কবিতাৰ অংকুৰটোৱে
ৰুগ্ন হৃদয়ৰ বৃক্ষ জোপাক 
উশাহ দিব বিছাৰিছো

বন্দীত্ব-পীড়িত বহুজনৰ দৰে
মোৰো এটি সাধাৰণ জীৱন

সংগ্ৰাম মানেই জীৱন
জীৱন মানেই সংগ্ৰাম
সংগ্ৰাম কৰিবলৈ জীৱনক লাগে
প্ৰাথমিক জ্ঞান
সেয়ে ঈশ্বৰক ভয় কৰাটোৱে
জীৱনৰ আৰম্ভণ

আকৌ কোৱা হয় 
জীৱন মানেইটো সেউজীয়া ৰং
সেউজীয়া ৰং মানেইটো
জীৱনৰ প্ৰগতি

সংঘাতে হৃদয়ৰ ডেউকা ভাঙিব পাৰে
বিনাশ কৰিব পাৰে
হৃদয়ৰ নীলা সেউজীয়া ডফাবোৰ

অনুশোচনা অৱকাশৰ অধীন বাবেইটো
সংস্কাৰ হয় জীৱনত
ইতিসাহেও তাকেই কয়।

Comments

  1. Thank u so much. Have a nice,beautiful, healthy good morning. U S A

    ReplyDelete

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send