ব্যতিক্রমী প্ৰেম- চিন্ময় বৰা

এতিয়া নোহোৱা হৈছে জীয়াই থকাৰ পথ ,

তথাপিও যে জীয়াই আছোঁ 

(আনকি আপোনাৰ সংগৰ সহায়তো) 

এইয়াই মোৰ প্ৰতি থকা আপোনাৰ ভালপোৱা , 

বুজিছে ! আপুনি আনৰ আগত দেখুওৱাৰ প্ৰয়োজনে নাই

কিমান যে ভালপাই মোক , 

আপোনাৰ সান্নিধ্যত মৰহা ফুলপাহো জীয়াবলৈ 

চেষ্টা কৰা দেখি আনে নিজেই গম পাব

কিমান যে মৰম মই প্ৰতিদিনে গ্ৰহণ কৰোঁ

মোৰ প্ৰিয়া কিম্বা প্ৰিয়তমাৰ পৰা

বিনামূল্যে , বিনাদ্বিধায়ে। 

আৰু কি জানে ? 

মোক নালাগেও আন কাকো 

এই হৃদয় এতিয়া মাথোঁ আপোনাৰ প্ৰেমতে মাতাল, 

মই ক'ব পাৰিম সমগ্ৰ জগতত

আপুনি যে মোৰ প্ৰেয়সী, 

জীৱনৰ প্ৰতিটো আবেলিত আপোনাৰ হাতত হাত থৈ

মই ক'ব পাৰিম ; মোৰ কিমান যে আপোন আপুনি , 

এতিয়া মাথোঁ আপোনাৰ সংগতে 

মোৰ হৃদয়ে নাচে , 

আপোনাৰ পৰশতে মোৰ জীৱন চলে , 

আপোনাৰ কাষতে মোৰ উশাহেও

এতিয়া স্বস্তিৰ শ্বাস পায় !

✍🏻চিন্ময় বৰা।