সৌৰভ -হিৰুমা শইকীয়া

কঠিন শিলাময় পৰ্বতৰ বুকুত

বৈ  আহে  জিৰ্ জিৰ্ নিজৰা

সৰ্বগুণী ব্যক্তি সত্তাৰে সাহিত্য জগতত

কঢ়িয়াই আনিলা জ্ঞানপীঠ বটাঁৰ বতৰা।

বিশ্বজয়ী নন্দন সৌৰভে

আনে পূৰ্ণিমাৰ পয়োভৰ ,

সাহিত্যৰ সৌৰভ বুটলোতে বুটলোতে

ৰসোতীৰ্ণ তোমাৰ  অপাৰ ভান্ডাৰ 

হে মহাৰথী ------

হাঁহি হাঁহি  বুলালা ৰেণু

তোমাৰ জ্ঞানেৰে

তোমাৰ ৰসেৰে

জগত আজি হ'ল মহীয়ান ।

সাহিত্যৰ পথাৰখনি

সোনোৱালী ধানেৰে হ'ল ভৰপুৰ

মেটমৰা  অজস্ৰ ৰং বিৰিঙৰ ভাণ্ডাৰ ,

নীল আকাশত জিলমিল তৰাৰ মাজত

তুমি উজ্বল ধ্ৰৱতৰা ,

তোমাৰ মিঠা হাঁহিৰ খলকনিত

ধাৰাসাৰে বৈ আহে আনন্দৰ নিজৰা

কি পৰ্বত, কি ভৈয়াম সকলোতে

ঐক্যতানেৰে বাজে এক সুমধুৰ সংগীত ,

জ্ঞানপীঠ বিজয়ী নীলমণি ফুকনৰ

জীৱন নদীৰ ছন্দৰ ঢল নামিছে চৌদিশে

সচাকৈ, হেঙুলীয়া বেলিৰ আভা কিযে মোহনীয় !

******************************************