ক'ত তুমি-মোহাইমিনুৰ ৰহমান

ৰৈ থাকিলো গোটেই ৰাতি উজাগৰে
তোমাৰ মৰমৰ মিঠা মাত এষাৰেৰে
 নতুন দিগন্তৰ সূচনা কৰিম বুলি।

পাহৰি গৈছিলো
পাহৰি গৈছিলো জানা,
হৃদয়ৰ বাস্তৱ পৃথিৱীক 
থানবান কৰি
তুমি যে আছা আজি কেৱল মোৰ
মনৰ কল্পনাৰ পৃথিৱীত।

তোমাক এপলক 
পাহৰি যোৱাৰ প্ৰচেষ্টাৰে
চকুযুৰিও যে আজি কৰে
নিদ্ৰাত মগন হোৱাৰ মিছা অভিনয়।
ব্যৰ্থ মোৰ চকুযুৰি
কাৰণ মুদি দিয়া চকুযুৰিৰ
এন্ধাৰৰ মাজতো যে জিলিকি থাকে
তোমাৰে প্ৰতিচ্ছবি।

মাথোঁ এবাৰ আহি
কৈ যোৱানা মোক
থাকিম মই ক'ত
কল্পনাত নে বাস্তৱত?

🔳মোহাইমিনুৰ ৰহমান । 
জিলা:নলবাৰী,অসম

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send