এটা অসংলগ্ন কবিতাৰ সন্ধানত
ৰৈ গ'লোঁ তোমাৰ কাষত।
কেতিয়াবা হাঁহি দিছোঁ কেতিয়াবা
সেমেকি উঠে মোৰ দুচকু।
ইটোৰ পিছত সিটো অসংলগ্ন
মোৰ কিছুমান কথা ক'বলৈ।
বিক্ষিপ্ত ভাৱে কৈ যাবলৈ কিছুমান
মনৰ মাজত থুপখাই থকা
বুৰবুৰনি কথা অনৰ্গল ভাৱে।
এটা অন্তৰংগ আলাপ আগগুৰি
নাইকিয়া ক্ষন্তেকৰ বাবে।
পাতনি বিচাৰি আক্ষেপ নকৰিবা
নিৰৱচ্ছিন্ন ভাৱে শুনি যাবা।
ওলমি থকা মোৰ জীৱনৰ নক্ষত্ৰ
খচিত এখনি আকাশৰ কথা।
তেজ আৰু চকুলোঁৰে সিক্ত কিছুমান
অনাকাংক্ষিত দিনৰ এটা
অসংলগ্ন কবিতাৰ কথা।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ