বৰষুণজাক | বনশ্রী শৰ্মা

বৰষুণজাক মোৰ প্ৰিয়

প্ৰিয় সেই অভিমানী চৰাইটি, 

যিয়ে বসন্তৰ প্ৰথমজাক বৰষুণৰ অপেক্ষাত 

হৈ পৰে অভিমানী। 

ফাগুনৰ ধূলিয়ে ধূসৰ কৰা

ধোঁৱা বৰণীয়া আকাশখনক, 

হেঁপাহৰ বৰষুণজাকে দি যায়

নীল বৰণীয়া চাদৰৰ আচল। 

অভিমানত বুৰ গৈ থকা

অভিমানী চৰাইজনী, 

বৰষুণৰ পৰশত

হৈ পৰে বাউলী। 

বৰষুণজাকে দি যায়

সেউজ অহাৰ বতৰা, 

অভিমানী চৰাইজনীক 

কৰি তোলে উন্মনা। 

                                      

✍️ বনশ্রী শৰ্মা,মঙ্গলদৈ