স্বাধীনতা ক'ত-দিপশিখা ৰাজকোঁৱৰ

স্বাধীনতা ক'ত আছা তুমি

স্বাধীন দেশৰ নাগৰিক হৈয়ো

আজি আমি পৰাধীন

তথাপিও নিলাজৰ দৰে কওঁ

আমি স্বাধীন হয় বুলি।

তিনিৰঙী পতাকাখন লৈ দৌৰো

যিমানেই যান্ত্ৰিকতাৰ 

মাজত সোমাই পৰিছোঁ 

সিমানেই পৰাধীনতাৰ 

গ্লানিয়ে বেৰি ধৰিছে 

যদি আমি স্বাধীনেই 

তেনে কিয় ইমান আতংক

ভয় আৰু শংকা 

চোক ভেকুলীৰ দৰে 

কিয় ভয়ত পেপুৱা লাগো

সাৱধানতাৰ বাণী পলে পলে

কিয় শুনিব লগা হয়।

তিৰংগ পতাকা উৰে 

তথাপিও কিমান নিৰ্ভয়ে 

মুক্ত হৈ থিয় হৈ থাকোঁ আমি

কেনে স্বাধীনতা এয়া 

এবাৰ চুই চাবলৈ মন যায়

স্বাধীনতাক..........

এবাৰ মুক্ত হৈ স্বাধীনতাৰ 

উশাহ ল'বলৈ মন যায় অ'