নিৰ্বাক প্ৰেম-যদুমণি গগৈ

এক ঐশ্বৰিক মন্ত্ৰ শক্তি

স্নায়ু সংযোগ--

ভাতিয়লি প্ৰেমিকাৰ স'তে কথা পাতো 

হিয়াত হিয়া জুৰাই ---

ৰি -    ৰি -   শব্দৰে

ভাহি অহা তাই মাতত

"মই হেৰাই গ'লো"

প্ৰাক মুহূৰ্তত তাই সুধিলে 

"তুমি কেনে আছা "?

উত্তৰ দিবলৈ মনক মনে সুধি চালো

কিদৰে বাৰু বুজাওঁ তাইক

চেঃ কেনেকৈ মিছা মাতো-- -

তাই স'তে হিয়া মিলনৰ 

দিন ধৰি

চকুৰ আগত মনৰ দাপোনত

খেলি ওমলে তাই- - -

ক'লে বেয়াই পাব  নে  কি !

হাতত আধাফুলা  গোলাপ

বুকুৰ ধপ ধপনিত

কব নোৱাৰিলোঁ তাইক- - -

যে "মই প্ৰেমত পৰিলোঁ "।