এজাক হালধীয়া পখিলাৰ গীত-ৰিজু মণি দেৱী

যোৱা কালি মোৰ মৃত্যু হৈছিল 
তোমাৰ হাতত ।
তুমি কাব্যিক নাছিলা ,
তথাপিও তুমি ৰোমান্টিক  বহুত
বেগৱতী নদী হৈ বৈ যোৱা কিয় ?
হয়তো তোমাৰ হৃদয় কঠুৱা হ'ব পাৰে 
নাইবা কপাহৰ দৰে কোমল
অনুমান কৰিব পৰা নাই জানা !
তোমাৰ ওঁঠ থৰ থৰ কঁপে
মোৰ আঁচলৰ আঁৰত
উদং বুকু মোৰ এতিয়া
হিমশীতল কুঁৱলীয়ে আৱৰি ধৰিছে ।
এজোলোঙা ৰ'দে জিলমিলাই 
আছিল 
কালি দুপৰীয়া মোৰ বুকুত ।

আকাশ খন গোমা হৈ আহিছে জানা ?
হয়তো তোমাৰ নীৰৱতাত 
সাৰ পাই উঠিব এজাক 
অশ্ৰুকণা 
আস্ !
বৰকৈ বিষাইছে বুকুখন জানা ?
তুমি চুই দিলেই গুণাগুণাই  উঠিব 
এজাক হালধীয়া পখিলা ।

✍️ৰিজু মণি দেৱী

Post a Comment

Previous Post Next Post