প্ৰণামো তোমাক শত কৌটি বাৰ
বিপ্লৱী মনিষাৰ প্ৰতীক তুমি
সুন্দৰৰ নৱ নৱ সৃষ্টিৰে
জগত পোহৰাই তুলিলা
নতুনৰ বন্তি জ্বলালা ।
হে সুন্দৰৰ পূজাৰী ,
তুমি গুণৰ সাগৰ
লুকাই লুকাই আছা চিৰকাল
জনতাৰ হিয়াৰ মাজত ।
হে বিপ্লৱী মহীয়সী সত্তা ,
তোমাৰ কবিতাৰ ছন্দে ছন্দে বাজে
বিপ্লৱী ভাৱধাৰা আৰু জাতীয়
উদ্দীপনাৰ নৱ -চেতনা ।
অসম শান্তি বাহিনীৰ তুমি সৰ্বাধিনায়ক
বিপন্ন কৰি নিজৰ জীৱন
দেশমাতৃৰ বাবে কৰিলা জীৱন অৰ্পণ ।
সমন্বয়ৰ সেতু গঢ়িলা
বিশ্ব প্ৰগতিৰ জোনালী বাটত
সাতো ৰঙৰ ৰামধেনু আঁকিলা ।
তোমাৰ সৃষ্টিত শুনোঁ জনতাৰ আৱাহন
মৃত্যুক নেওচি কৰা দূৰ্জেয় অভিযান ।
নানা গীত , নাটক , কবিতাৰে
ৰচিলা বিশ্বৰ দৰবাৰত
উজ্জ্বল প্ৰতিভাৰ নিদৰ্শন
প্ৰথম অসমীয়া ছবি "জয়মতী "ৰ
অনুপম সৃষ্টিৰে ৰাখিলা কাললৈ খ্যাতি
ধন্য হ'ল আজি অসমীয়া জাতি ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ