পোখা মেলিব
ৰ'দত জিলিকি উঠিব
শতদল ।
আশাৰ গজালিত
সপোনৰ চুপহি
ৰৈ থাকিব
ফেঁহুজালিলৈ ।
এই মাত্ৰ এটা
শিলান্যাস হ'ল
তাতেই ৰৈ আছে
এজাক উৰণ উন্মুখ
সেউজীয়া চৰাই ।
চৰায়ে পাখি মেলি
নীল আকাশত উৰিব
আঁজুৰি আনিব
থুপাথুপি তৰা ।
সেই তৰাৰ পোহৰত ওমলিব
জাক-জাক হালধীয়া চৰাই ।
চৰাইজাক উৰাৰ দিনা
আমি উৰুলি দিম ।।
🔴হেমেন হাজৰিকা
ৰাণী কাহিকুছি
নমস্কাৰ স্বাগতম জনাইছোঁ আপোনাক । লেখাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ