কবিতাৰ সভালৈ | অনন্ত কুমাৰ ভূঞা

কবিতাৰ সভালৈ 

কিয় নামাতিলা মোক ?

কবিতা এটা লিখিছিলোঁ‌

এই ধুনীয়া প্ৰভাতত 

গাবলৈ  কবিতাৰ সভাত ।

সভা শুৱনি নহয় বাবে

সভালৈ নামাতিলা মোক

কবিতা গাব নাজানো বাবে

নামাতিলা মোক ।

জানানে ? 

কালিদাসো পণ্ডিত নাছিল

বাল্মীকি ৰত্নাকৰ হে আছিল ।

জানানে ? মই কেতুৰি কবি

এটা কোৱাভাতুৰি 

বাহিৰত ৰং সানিছোঁ‌

ভিতৰ খন আন্ধাৰ যেন ক'লা ।

আজি কবিতাৰ সভালৈ 

ইচ্ছাৰে ওলালোঁ‌ 

কবিতা শুনিম সুবিধা পালে

মই লিখা কবিতা পঢ়িম । 

সভাত আখৈ ফুটাদি ফুটিছে 

শব্দ কবিতাৰ

মিচিকিয়া হাঁ‌হি বাগৰিছে  

দুখনি ওঠত

দলদোপ হেন্দোলদোপ 

কবিতাৰ সভা 

শেষ হ'ল এটা সময়ত ।

গোট খোৱা কবি বোৰ 

ঘৰাঘৰি গ'ল 

কেতুৰি কবি এচুকত বহি ৰ'ল।