ভাবি আছো তোমাৰ কথাকে ফাগুন আহিলে ,
পলাশ, শিমলু, মদাৰ ফুলিলে
এতিয়া , মই আছো মাথোঁ
তোমাৰ অপেক্ষাত
প্ৰতিটো উশাহ- নিশাহত
কেৱল তুমি আৰু তুমি ।
কিয় বাৰু তুমি নুবুজা হৈ পৰা ,
বুকুৰ প্ৰতিটো হৃদয়ৰ কথা
কিয় বাৰু অচিনাকি যেন কৰা
সেইবাবে মই আজি অনা নাই ,
তুমি ভাল পোৱা পলাশী ফুল
এতিয়া মাথোঁ সময় ফাগুন সৰাপাতৰ কবিতা লিখা ।
কবিতাৰ প্ৰতিটো শব্দত কেৱল তুমিয়েই আছা
অৰ্থহীন বুজিছা সকলো অৰ্থহীন
এই জীৱন ধূলিকণা মই
ধূলিৰ সৈতে যুঁজ দিব নোৱাৰো
তোমাক বুকুৰ আপোন কৰিবও তো নোৱাৰো ।
◾ৰঞ্জু গায়ন বৰুৱা ( নামৰূপ )
ফোন নং - ৯৯৫৪১২৬৩৪৬
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ