আশাৰ সঞ্জীৱনী হৈ
নতুনত্বৰ ঢল নমাই আনিছে
পছোৱা ফাগুনে,
সৰা পাতে নেদেখা কৰি পেলাইছে
প্ৰকৃতিৰ চিৰ বিনন্দীয়া ৰূপ
চৌদিশে হাহাকাৰ
অস্বস্তিকৰ পৰিবেশত
হৃদয়ৰ উমাল বুকুত।
ৰঙা শিমলু ফুলৰ সুবাসে আমোল-মোলাই
ক'ত কিমান পলাশ, মদাৰ
এই মাহতেই শুভ্ৰ পুলকিত হৈ গজালি মেলে
সৰা পাতে ধৰণীলৈ,
বিষাদৰে ভৰা পছোৱা ফাগুন নামে
উলাহতে মন উৰুঙা
ধূলিয়ৰি বাটে আনন্দৰ বতৰা
মৌনতাত অফুৰন্ত বসন্তৰ আগমনৰ আখৰা।
