এটা মেজিকৰ ৰোমাঞ্চকৰ মায়াত সোমাই পৰিছো
পৃথিৱীৰ এটা প্ৰান্তৰ পৰা এটা প্ৰান্ত !
যিমান মূল্য ,
তাতকৈয়ো তাতোধিক মূল্য এটা উশাহ ।
ঘূৰিছো , ফুৰিছো ----
চিন্তাৰ পৰিধি ফালি
হাবিয়াস ৰচিছো ,
মৰুভূমিত ফুলিব ফুল জকেমকে কৰি ।
এটা উশাহ
প্ৰতিটো পল - অনুপল গতিশীল আশা
এয়াই জীৱনৰ চাকনৈয়া ,
প্ৰতি উশাহে বাৰে বাৰে দি যায়
মধুৰ সময়ৰ নষ্টালজিয়া আৱেগৰ বতৰা ।
জীৱন নহয় কোনো পৰিসমাপ্তিৰ গান --
ই যে অক্লান্ত প্ৰহৰী
জিনাৰ কাহিনী ,
ই যে অভিন্ন গাথা
সময়ৰ দিগন্তব্যাপি
ই এক আত্মভালপোৱা।
⏺️জয় প্ৰকাশ শৰ্মা( গুৱাহাটী)
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ