ফাগুনৰ বুকুত আজি -শিৱানী বৰুৱা

উতনুৱা ফাগুন আজি 

পলাশৰ ৰঙেৰে ৰঙীন ।

ধূলিয়ৰীৰ ধূসৰিত আবেলিত ,

পছোৱাৰ চঞ্চল হাঁহি ।

মদাৰৰ পদূলিত ,

সৰাপাতৰ বননিত,

আজি ফাগুনক উষ্ম আদৰণি । 

ফাগুনৰ প্ৰেয়সী মই.,

ফাগুনৰ শুকান পথাৰ

আলিবাটত আজি

উন্মনা পখী ।

ফাগুনক ভাল পাওঁ ;

ফাগুনেই দিলে এটি নতুন জীৱন দান।

বিছাৰি পাওঁ সৰাপাতৰ ঠিকনা ,

শুকান সৰাপাতৰ বুকুত লিখো,

হাজাৰ অনুভৱৰ নোকোৱাৰ কবিতা ৷

ফাগুনৰ পছোৱাজাকৰ মাজেৰে আজি

নিগৰি যায় জীৱনৰ ওঠৰটা বছৰ ..,

ফাগুন ,ফাগুন , ফাগুন,

চৌদিশে মাথো সৰাপাতৰ নাচোন ৷

ফাগুন বুলিলেই চোন মন বলিয়া ,

সৰাপাতৰ বুকুতেই যেন ,

হাজাৰ অনুভৱৰ নোকোৱাৰ কবিতা ৷

                          

✍️শিৱানী বৰুৱা  

আৰোহণ একাডেমী , কাকজান